അഹമ്മദാബാദ്: ഇന്നത്തെ ഐപിഎല്‍ മാറ്റിവെച്ചു. കൊല്‍ക്കത്ത നൈറ്റ്റൈഡേഴ്‌സിന്‍റെ സ്‌പിന്നര്‍ വരുണ്‍ ചക്രവര്‍ത്തിക്കും സന്ദീപ് വാര്യര്‍ക്കും കൊവഡ് സ്ഥിരീകരിച്ചതോടെയാണ് ഐപിഎല്‍ മാറ്റിവെച്ചത്. കൊല്‍ക്കത്തയും ബാംഗ്ലൂര്‍ റോയല്‍ ചലഞ്ചേഴ്‌സും തമ്മില്‍ മൊട്ടേരയില്‍ നടക്കാനിരുന്ന പോരാട്ടം മറ്റൊരു ദിവസം നടത്തും.
ബയോ സെക്വയര്‍ ബബിളിനുള്ളില്‍ നിന്നും ഗ്രീന്‍ ചാനല്‍ വഴി കഴിഞ്ഞ ദിവസം സ്‌കാനിങ്ങിനായി വരുണ്‍ പുറത്ത് പോയിരുന്നു. ചികിത്സക്കായി പുറത്ത് പോയപ്പോഴാകും വൈറസ് ബാധ ഉണ്ടായതെന്ന നിഗമനത്തിലാണ് അധികൃതര്‍. വരുണുമായുള്ള സമ്പര്‍ക്കത്തിലൂടെ സന്ദീപിനും രോഗം സ്ഥിരീകരിച്ചതെന്നാണ് സൂചന.