സഹകരണമേഖലയിൽ മാർക്സിസ്റ്റുകാർക്ക് മാത്രം നീതി: രമേശ് ചെന്നിത്തല

സഹകരണ സംഘങ്ങളിലെ അറ്റൻഡർമാരുടെ പ്രമോഷൻ വൈകിപ്പിക്കുന്ന ഭേദഗതി ഒഴിവാക്കുന്നത് അടക്കം വിവിധ ആവശ്യങ്ങൾ ഉന്നയിച്ചാണ് ഐഎൻടിയുസി ഏകദിന ഉപവാസം

തിരുവനന്തപുരം:സഹകരണമേഖലയിൽ മാർക്സിസ്റ്റുകാർ അല്ലാത്തവർക്ക് നീതി ലഭിക്കാത്ത അവസ്ഥയെന്ന് പ്രതിപക്ഷ നേതാവ് രമേശ് ചെന്നിത്തല. സെക്രട്ടേറിയറ്റിന് മുന്നിൽ കേരള കോ-ഓപ്പറേറ്റീവ് എംപ്ലോയിസ് കോൺഗ്രസ് (ഐഎൻടിയുസി) സംഘടിപ്പിച്ച ഏകദിന ഉപവാസം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സംസ്ഥാനത്തെ സഹകരണ മേഖല തകർന്നുവെന്നും ചെന്നിത്തല പറഞ്ഞു.

സഹകരണ സംഘങ്ങളിലെ അറ്റൻഡർമാരുടെ പ്രമോഷൻ വൈകിപ്പിക്കുന്ന ഭേദഗതി ഒഴിവാക്കുന്നത് അടക്കം വിവിധ ആവശ്യങ്ങൾ ഉന്നയിച്ചാണ് കേരള കോ- ഓപ്പറേറ്റീവ് എംപ്ലോയിസ് കോൺഗ്രസ് ഐഎൻടിയുസി ഏകദിന ഉപവാസം സംഘടിപ്പിച്ചത്. സഹകരണമേഖലയിൽ സമഗ്ര പെൻഷൻ പദ്ധതി, ശമ്പളവർധനവ്, പാർട് ടൈം സ്വീപ്പർമാർക്ക് സ്ഥിരനിയമനം എന്നിവയാണ് സംഘടനയുടെ മറ്റ് പ്രധാന ആവശ്യങ്ങൾ.