ഇടുക്കി: ആരോഗ്യമേഖലയിൽ തദ്ദേശസ്വയംഭരണസ്ഥാപനങ്ങളുടെ മികച്ച പ്രവർത്തനങ്ങൾക്കായി നൽകുന്ന 2017-18 ലെ ആർദ്ര കേരള പുരസ്കാരം കട്ടപ്പന നഗരസഭക്ക്. നവകേരള കർമ്മ പദ്ധതിയുടെ ഭാഗമായാണ് അവാർഡ് നൽകുന്നത്. നഗരസഭക്ക് ഇത് രണ്ടാം തവണയാണ് ഈ പുരസ്കാരം ലഭിക്കുന്നത്.കഴിഞ്ഞ ദിവസം തിരുവനന്തപുരത്ത് ആരോഗ്യ വകുപ്പ് മന്ത്രി കെ കെ ശൈലജയാണ് അവാർഡ് പ്രഖ്യാപിച്ചത്. ഇൻഫർമേഷൻ കേരള മിഷന്‍റെ സോഫ്റ്റ് വെയർ സംവിധാനത്തിലൂടെ ലഭ്യമായ പദ്ധതി വിവരങ്ങൾ, ആരോഗ്യ സ്ഥാപനങ്ങളിൽ നിന്നും ലഭിച്ച വിവരങ്ങൾ, ഓൺലൈൻ റിപ്പോർട്ടിംഗ് ഫീൽഡ് തല പരിശോധനകൾ എന്നിവയുടെ അടിസ്ഥാനത്തിലാണ് പുരസ്കാരം പ്രഖ്യാപിച്ചത്.
ആർദ്ര കേരള പുരസ്കാരം കട്ടപ്പന നഗരസഭക്ക്