പ്രളയസഹായമില്ല , ആദിവാസി യുവതികൾ കുത്തിയിരുപ്പ് സമരത്തിൽ - കുത്തിയിരിപ്പ് സമരം.
കഴിഞ്ഞ ശനിയാഴ്ച മുതലാണ് കുളംമാങ്കുഴി നിവാസികളായ ദീപാ പ്രശാന്തും ,സ്വപ്ന രാജുവും അടിമാലി ട്രൈബൽ ഓഫീസിനു മുന്നിൽ കുത്തിയിരുപ്പ് സമരം ആരംഭിച്ചത്. പ്രളയത്തിൽ തകർന്ന വീട് പുനർനിർമ്മിക്കാനുളള സർക്കാർ സഹായം ലഭിക്കാതെ ഇനി മുന്നോട്ട് പോകാനാകില്ലെന്നാണ് യുവതികൾ പറയുന്നത്.
കുത്തിയിരുപ്പ് സമരം നടത്തുന്ന ആദിവാസി യുവതികൾ
പ്രളയത്തിൽ തകർന്ന വീട് പുനർനിർമ്മിക്കാൻ ധന സഹായം ലഭിക്കാത്തതിന്‍റെ പേരിൽ ആദിവാസി യുവതികൾ കുത്തിയിരുപ്പ് സമരം നടത്തുന്നു. അടിമാലി കുളമാൻകുഴി ആദിവാസിമേഖലയിലെ ദീപ പ്രശാന്ത്,സ്വപ്ന രാജു എന്നിവരാണ് അടിമാലി ട്രൈബൽ ഓഫീസിനു മുമ്പിൽ കുത്തിയിരുപ്പു സമരം നടത്തുന്നത്. ഭവന നിർമ്മാണത്തിനുള്ള ധനസഹായം ലഭിക്കാതെ സമരത്തിൽനിന്ന് പിന്മാറില്ലെന്നാണ് യുവതികളുടെ നിലപാട്.
കുത്തിയിരുപ്പ് സമരം നടത്തുന്ന ആദിവാസി യുവതികൾ
പലരിൽ നിന്നായി കടംവാങ്ങിയ 16000 രൂപ ഉപയോഗിച്ച് വീടിന്‍റെ അടിത്തറയുടെ നിർമ്മാണം ദീപ പൂർത്തീകരിച്ചിട്ടുണ്ട്. സർക്കാർ സഹായം ലഭിക്കാതെ ഇനി മുന്നോട്ട് പോകാനാകില്ലെന്നാണ് യുവതികൾ പറയുന്നത്. അതേസമയം ക്യാമ്പുകളിൽ താമസിക്കുന്നവർക്ക് അനുവദിച്ച 10000 രൂപ ഇരുവർക്കും നൽകിയതാണെന്നും, ഭൂമിയുടെ കൈവശരേഖ പൂർണമായും നൽകാത്തതിനാലാണ് ധനസഹായം ലഭിക്കാൻ കാലതാമസം വരുന്നതെന്നും അടിമാലി ട്രൈബൽ ഓഫീസർ പറഞ്ഞു . അടിമാലി ഓഫീസിനു കീഴിൽ തകർന്ന 30 വീടുകൾക്കുമുളള ധനസഹായവിതരണം നടന്നുവരികയാണെന്നും ഓഫീസർ അറിയിച്ചു.