ഒഴുക്കില്‍പെട്ട മലയാളിയായ പെണ്‍കുട്ടിയെ രക്ഷപെടുത്തി; യുവാവിന് സര്‍ക്കാര്‍ ജോലി നല്‍കി ജില്ല കലക്‌ടര്‍
ചെന്നൈ: ഒഴുക്കില്‍പെട്ട മലയാളിയായ പെണ്‍കുട്ടിയെ രക്ഷപെടുത്തിയ യുവാവിന് സര്‍ക്കാര്‍ ജോലി നല്‍കി ആദരിച്ച് ജില്ല കലക്‌ടര്‍. തൂത്തുകുടി വിലാത്തിക്കുളം സ്വദേശിയായ വിജയകുമാറാണ്(24) പാലക്കാട് സ്വദേശിയായ ഹരിണി എന്ന പെണ്‍കുട്ടിയെ രക്ഷിച്ചത്. വിജയകുമാറിന്‍റെ പ്രവര്‍ത്തിയില്‍ സന്തുഷ്‌ടനായ തൂത്തുകുടി ജില്ല കലക്‌ടര്‍ സെന്തില്‍ രാജാണ് താത്‌കാലിക അടിസ്ഥാനത്തില്‍ വിജയകുമാറിന് കലക്‌ടറേറ്റിലെ കാര്‍ ഡ്രൈവറായി ജോലി നല്‍കിയത്.
വിലാത്തിക്കുളം സ്വദേശിയായ വിജയകുമാര്‍ പ്രദേശത്തെ ടാക്‌സി ഡ്രൈവറായി ജോലി ചെയ്‌തു വരികയായിരുന്നു. കഴിഞ്ഞ വര്‍ഷം ഡിസംബര്‍ മാസത്തിലായിരുന്നു വിജയകുമാര്‍ കുട്രാളം വെള്ളച്ചാട്ടം സന്ദര്‍ശിക്കാനായി പോയത്. മാതാപിതാക്കളുമൊത്ത് വെള്ളച്ചാട്ടത്തില്‍ കുളിക്കുകയായിരുന്ന പെണ്‍കുട്ടി വെള്ളച്ചാട്ടത്തിലെ ഒഴുക്കില്‍പെടുകയായിരുന്നു.