അമരാവതി : പ്രണയാഭ്യർഥന നിരസിച്ചതിനെ തുടർന്ന് 21കാരൻ പെൺകുട്ടിയെ കഴുത്തറുത്ത് കൊലപ്പെടുത്തി. ചരൺ എന്ന യുവാവാണ് അക്രമിയെന്ന് ബാഡ്‌വെൽ റൂറൽ എസ്ഐ ചന്ദ്രശേഖർ പറഞ്ഞു. മര്‍ദനമേറ്റ ഇയാള്‍ പൊലീസ് കസ്റ്റഡിയില്‍ ചികിത്സയിലാണ്.
Also Read:'ആരോഗ്യ പ്രവർത്തകരുടെ സുരക്ഷ ഉറപ്പാക്കണം' ; സംസ്ഥാനങ്ങളോട് കേന്ദ്രം
കടപ്പ ജില്ലയിലെ ചിന്താല ചെരു ഗ്രാമത്തിൽ വെള്ളിയാഴ്‌ചയാണ് സംഭവം. പ്രണയാഭ്യർഥനയുമായി പ്രതി വളരെക്കാലമായി പെൺകുട്ടിയെ പിന്തുടരുകയായിരുന്നു. എന്നാൽ പെൺകുട്ടി ഇയാളുടെ ആവശ്യം നിരസിച്ചു. ഇതിൽ പ്രകോപിതനായ പ്രതി പെൺകുട്ടിയെ കഴുത്തറുത്ത് കൊലപ്പെടുത്തുകയായിരുന്നു.
പെൺകുട്ടിയുടെ ബന്ധുക്കൾ ഉൾപ്പെടെ ഗ്രാമവാസികളുടെ മര്‍ദനമേറ്റ പ്രതിയെ ബാഡ്‌വെൽ ആശുപത്രിയിൽ പ്രവേശിപ്പിച്ചിരിക്കുകയാണെന്ന് പൊലീസ് അറിയിച്ചു.