ചെന്നൈ: മോഷണക്കുറ്റം ആരോപിച്ച് നാട്ടുകാര്‍ മര്‍ദിച്ച യുവാവ് ആത്മഹത്യയ്‌ക്ക് ശ്രമിച്ചു. യുവാവിനെ കൂട്ടം ചേര്‍ന്ന് മര്‍ദിക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ചതിന് പിന്നാലെയാണ് തഞ്ചാവൂരിനടുത്തുള്ള പൂണ്ടി ഗ്രാമവാസിയായ ജി. രാഹുൽ ആത്മഹത്യയ്‌ക്ക് ശ്രമിച്ചത്.
കര്‍ണൻ എന്നയാളുടെ ഉടമസ്ഥതയിലുള്ള മണല്‍ വില്‍പ്പന സ്ഥാപനത്തിലെ ജോലിക്കാരനായിരുന്നു രാഹുല്‍. കഴിഞ്ഞ ജനുവരി 31 ന് കര്‍ണന്‍റെ വീട്ടില്‍ നിന്ന് 30,000 രൂപ മോഷണം പോയി. രാഹുലിനെ സംശയമുണ്ടെന്ന് കര്‍ണൻ തന്‍റെ മകനായ ലക്ഷ്‌മണനോട് പറഞ്ഞു. പിന്നാലെ ലക്ഷ്മണനും സ്ഥാപനത്തിലെ മറ്റ് ജീവനക്കാരും ചേര്‍ന്ന് രാഹുലിനെ മരത്തില്‍ കെട്ടിയിട്ട് മര്‍ദിക്കുകയായിരുന്നു. പിന്നാലെ വിഷയത്തില്‍ പൊലീസ് ഇടപെട്ട് കേസില്ലാതെ സംഭവം ഒതുക്കി.