നേത്രാവതി നദിയിൽ യുവതിയുടെ മൃതദേഹം കണ്ടെത്തി

പ്രദേശത്തെ മീന്‍ പിടിത്തക്കാരനാണ് കടലിലേക്ക് ഒഴുകുന്ന നിലയില്‍ മൃതദേഹം ആദ്യം കണ്ടത്.

മംഗളൂരു: നേത്രാവതി നദിയിൽ നിന്നും ഒരു യുവതിയുടെ മൃതദേഹം കണ്ടെത്തി. പ്രദേശത്തെ മീന്‍ പിടിത്തക്കാരനാണ് കടലിലേക്ക് ഒഴുകുന്ന നിലയില്‍ മൃതദേഹം ആദ്യം കണ്ടത്. തുടര്‍ന്ന് മൃതദേഹം ഹോയിഗെ ബസാറിലെ നദീ തീരത്തേക്ക് കൊണ്ടുവരികയും പാണ്ഡേശ്വര പൊലീസ് സ്റ്റേഷനിൽ വിവരമറിയിക്കുകയുമായിരുന്നു.

യുവതിയുടെ മൃതദേഹത്തിന് 5 അടി ഉയരമുണ്ട്. കറുത്ത ടി-ഷർട്ടും നീല ജീൻസുമാണ് ധരിച്ചിരിക്കുന്നത്. ഒരു കൈയിൽ ചുവന്ന നൂലും കറുത്ത വളകളുമുണ്ട്. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.