ന്യൂഡല്‍ഹി :ഇന്ത്യയില്‍ ഒരു മുസ്ലിം പ്രധാനമന്ത്രിയുണ്ടായാല്‍ അടുത്ത 20 വർഷത്തിനുള്ളിൽ 50% ഹിന്ദുക്കളേയും മതം മാറ്റുമെന്ന് ഗാസിയാബാദിലെ ദസ്നാ ദേവി ക്ഷേത്ര പൂജാരി യതി നരസിംഹാനന്ദ്. ഹിന്ദുക്കളോട് ആയുധമെടുക്കണമെന്നും അദ്ദേഹം വിദ്വേഷ പ്രസംഗത്തില്‍ ആവശ്യപ്പെട്ടു.
ഹരിദ്വാർ വിദ്വേഷ പ്രസംഗ കേസിലെ പ്രതികൂടിയായ യതി ഡൽഹിയിലെ ബുരാരി ഗ്രൗണ്ടിൽ ‘ഹിന്ദു മഹാപഞ്ചായത്തിൽ’ ആണ് പ്രസംഗം നടത്തിയത്. 200 ഓളം പേരാണ് യോഗത്തില്‍ പങ്കെടുത്തത്. ഇന്ത്യയ്ക്ക് ഒരു മുസ്ലിം പ്രധാനമന്ത്രിയെ കിട്ടിയാൽ 40% ഹിന്ദുക്കൾ കൊല്ലപ്പെടുമെന്നും അദ്ദേഹം കൂട്ടിച്ചേര്‍ത്തു. ഇതില്‍ നിന്നും രക്ഷ നേടണമെങ്കില്‍ നിങ്ങള്‍ ആയുധം ധരിച്ച മനുഷ്യനാകണമെന്നും യതി ആഹ്വാനം ചെയ്തു.
2029, 2034, 2039, വര്‍ഷങ്ങളില്‍ മാത്രമേ മുസ്ലിം പ്രധാനമന്ത്രിയുണ്ടാവുകയുള്ളൂ. ഒരു മുസ്ലിം പ്രധാനമന്ത്രിയുണ്ടായാല്‍ 50 ശതമാനം ഹിന്ദുക്കളെ മതം മാറ്റും, 40 ശതമാനം കൊല്ലപ്പെടും, ബാക്കിയുള്ള 10 ശതമാനം അഭയാർഥി ക്യാമ്പുകളിലേക്കോ മറ്റ് രാജ്യങ്ങളിലേക്കോ അടുത്ത 20 വർഷത്തിനുള്ളിൽ പലായനം ചെയ്യേണ്ടിവരും.