ഛത്ര(ജാര്‍ഖണ്ഡ്): ഉറങ്ങി കിടക്കവെ ഭര്‍ത്താവിനെ കെട്ടിയിട്ട് മണ്ണെണ്ണ ഒഴിച്ച് തീകൊടുത്ത് ഭാര്യ. ജാര്‍ഖണ്ഡിലെ ഛത്ര ജില്ലയിലെ ഭൂയാൻ ടോളി ഗ്രാമത്തിലാണ് സംഭവം. ഗുരുതരമായി പൊള്ളലേറ്റ വിനോദ് ഭാരതിയെ നാട്ടുകാര്‍ ആശുപത്രിയില്‍ എത്തിക്കുകയായിരുന്നു.
വ്യാഴാഴ്ച രാത്രിയാണ് സംഭവം. വിവരം ലഭിച്ചതിനെ തുടര്‍ന്ന് സംഭവ സ്ഥലത്ത് എത്തി പൊലീസ് വിനോദ് ഭാരതിയുടെ ഭാര്യ റുണ്ടി ദേവിയെ അറസ്‌റ്റ് ചെയ്‌തു. ഇതിന് മുമ്പും റുണ്ടി ദേവി ഭര്‍ത്താവിനെ വിഷം കൊടുത്ത് കൊല്ലാന്‍ ശ്രമിച്ചിട്ടുണ്ട് എന്ന് നാട്ടുകാര്‍ പറഞ്ഞു. ഇവരുടെ ഇടയിലെ പ്രശ്‌നം പരിഹരിക്കാന്‍ നാട്ടുകൂട്ടം ഗ്രാമത്തില്‍ കൂടിയിരുന്നു.