കൊൽക്കത്ത : പശ്ചിമ ബംഗാളിൽ 12 വയസോ അതിൽ കുറവോ പ്രായമുള്ള കുട്ടികളുള്ള അമ്മമാർക്ക് കൊവിഡ് വാക്‌സിനേഷനില്‍ മുൻഗണന നൽകുമെന്ന് മുഖ്യമന്ത്രി മമത ബാനർജി. സംസ്ഥാനത്തെ കൊവിഡ് പോസിറ്റിവിറ്റി നിരക്ക് 3.61 ശതമാനമായി കുറയ്ക്കാൻ സാധിച്ചതായും മമത കൂട്ടിച്ചേർത്തു.
ഒരു വയസ് മുതൽ 12 വയസുവരെയുള്ള കുട്ടികളുടെ അമ്മമാർക്ക് മുൻഗണന നൽകി വാക്‌സിന്‍ നൽകണം. നിയമസഭ തെരഞ്ഞെടുപ്പിന്‍റെ ഏഴാമത്തെയും എട്ടാമത്തെയും ഘട്ടത്തിൽ കൊവിഡ് കേസുകൾ വർധിച്ചു.
ഈ രണ്ട് ഘട്ടങ്ങളെയും ഒന്നിച്ച് നടത്താൻ ഞങ്ങൾ അഭ്യർഥിച്ചിരുന്നു. എന്നാൽ അവർ അത് നിരസിച്ചു. ഇപ്പോൾ പോസിറ്റിവിറ്റി നിരക്ക് 3.61 ശതമാനമായി കുറയ്ക്കാൻ ഞങ്ങൾക്ക് സാധിച്ചു - മമത പറഞ്ഞു.