കൊൽക്കത്ത: തൊണ്ണൂറ്റിയഞ്ചാം വയസിൽ കൊവിഡിനെ തോൽപിച്ചിരിക്കുകയാണ് നന്ദറാണി. മെയ് 15നാണ് നന്ദറാണിക്ക് കൊവിഡ് സ്ഥിരീകരിച്ചത്. ശ്വാസോച്ഛാസം കുറഞ്ഞതിനെ തുടർന്ന് മെയ് 19ന് കൊൽക്കത്തയിലെ തപൻ സിൻഹ മെമ്മോറിയൽ ആശുപത്രിയിൽ പ്രവേശിപ്പിക്കുകയായിരുന്നു.
ആശുപത്രി ജീവനക്കാർ കൃത്യമായ ചികിത്സയും പരിചരണവും നൽകി. തുടർന്ന് ഇരുപത്തിയഞ്ചാം ദിവസം നന്ദറാണി കൊവിഡ് മുക്തയായി. ഓക്‌സിജന്‍റെ സഹായമില്ലാതെ സാധാരണ ജീവിതത്തിലേക്ക് എത്തിയതോടെ ശനിയാഴ്‌ച ഡിസ്‌ചാർജ് ചെയ്‌തതായി ആശുപത്രി അധികൃതർ അറിയിച്ചു.