പിടികിട്ടാപ്പുള്ളി ഡൽഹിയിൽ പൊലീസിന്‍റെ പിടിയിൽ

കൊലപാതകം, കൊലപാതകശ്രമം എന്നീ കേസുകളിൽ പ്രതിയായ ആളാണ് പിടിയിലായത്

ന്യൂഡൽഹി: ഡൽഹി മംഗോൾപുരി പ്രദേശത്ത് ബുധനാഴ്ച രാത്രി ജില്ലാ സ്‌പെഷ്യൽ സ്റ്റാഫിന്‍റെ സംഘം പിടികിട്ടാപ്പുള്ളിയെ ഏറ്റുമുട്ടലിലൂടെ കീഴ്പ്പെടുത്തി. കൊലപാതകം, കൊലപാതകശ്രമം എന്നീ കേസുകളിൽ പ്രതിയായ അമാൻ എന്നയാളെയാണ് പൊലീസ് പിടികൂടിയത്.

പരോളിലായിരുന്ന പ്രതി മംഗോൾപുരി പ്രദേശത്ത് പണം തട്ടിയെടുക്കാൻ ശ്രമിക്കുന്നതിനിടയിൽ സ്‌പെഷ്യൽ സ്റ്റാഫ് പിടികൂടുകയായിരുന്നു.

പ്രതിയെ പിടികൂടാനുള്ള ഏറ്റുമുട്ടലിനിടെ ഇയാളുടെ കാലുകളിലൊന്നിന് പരിക്കേറ്റതായി പൊലീസ് വ്യക്തമാക്കി.