തിരുവനന്തപുരം : തിരുവനന്തപുരം-ഡൽഹി സെക്‌ടറില്‍ വിസ്‌താര എയര്‍ലൈന്‍സ് ഒരു പ്രതിദിന സര്‍വീസ് കൂടി ആരംഭിക്കുന്നു. ഡിസംബര്‍ 2 മുതലാണ് പുതിയ സര്‍വീസ് തുടങ്ങുന്നത്. ഡൽഹിയില്‍ നിന്ന്(യു.കെ.0805) വൈകിട്ട് 6.10ന് പുറപ്പെട്ട് രാത്രി 9.20ന് തിരുവനന്തപുരത്ത് എത്തും.
തിരുവനന്തപുരത്ത് നിന്ന് ഡൽഹിയിലേക്ക് പുതിയ സർവീസുമായി വിസ്‌താര
ഡിസംബര്‍ 2 മുതലാണ് തിരുവനന്തപുരം-ഡൽഹി സെക്‌ടറില്‍ വിസ്‌താര എയര്‍ലൈന്‍സിന്‍റെ പുതിയ പ്രതിദിന സര്‍വീസ് ആരംഭിക്കുന്നത്
തിരുവനന്തപുരത്ത് നിന്ന് ഡൽഹിയിലേക്ക് പുതിയ സർവീസുമായി വിസ്‌താര എയര്‍ലൈന്‍സ്
തിരിച്ച് (യു.കെ 0806) തിരുവനന്തപുരത്ത് നിന്ന് രാത്രി 9.55ന് പുറപ്പെട്ട് 12.55ന് ഡൽഹിയിലെത്തും. ഡൽഹി -തിരുവനന്തപുരം സെക്ടറിലെ വിസ്‌താരയുടെ രണ്ടാമത്തെ പ്രതിദിന സര്‍വീസാണിത്. ഇതോടെ തിരുവനന്തപുരം-ഡൽഹി സെക്‌ടറില്‍ പ്രതിദിന വിമാനങ്ങളുടെ എണ്ണം 4 ആയി.
എയര്‍ ഇന്ത്യയും ഇന്‍ഡിഗോയുമാണ് ഈ സെക്‌ടറിൽ സര്‍വീസ് നടത്തുന്ന മറ്റ് ഓപ്പറേറ്റര്‍മാര്‍. കേരളത്തിലും തമിഴ്‌നാടിന്‍റെ തെക്കന്‍ ഭാഗങ്ങളിലുമുള്ള യാത്രക്കാര്‍ക്ക് സര്‍വീസ് പ്രയോജനകരമാകും. പുതിയ സര്‍വീസിനുള്ള ബുക്കിങ് ആരംഭിച്ചതായി അധികൃതര്‍ അറിയിച്ചു.