പൂനെയിൽ കൊവിഡ് വാക്സിനേഷൻ കേന്ദ്രങ്ങൾ ഇന്ന് അടയ്ക്കും

പൂനെ മേയർ മുർളീധർ മൊഹോൾ ട്വിറ്ററിലൂടെയാണ് ഇക്കാര്യം അറിയിച്ചത്.

പൂനെ :പൂനെയിൽ വാക്സിന്‍ ദൗർലഭ്യം മൂലം വാക്സിനേഷൻ കേന്ദ്രങ്ങൾ ഇന്ന് അടയ്ക്കുമെന്ന് മേയർ മുർളീധർ മൊഹോൾ. ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചത്. അതേസമയം, പുനെയിൽ മുന്നൂറിലധികം മ്യൂക്കര്‍മൈക്കോസിസ് കേസുകളുണ്ടെന്നും ഇവരെ ചികിത്സിക്കാന്‍ ആവശ്യമായ കുത്തിവയ്പ്പുകളുടെ കുറവുണ്ടെന്നും മഹാരാഷ്ട്ര ഉപമുഖ്യമന്ത്രി അജിത് പവാർ പറഞ്ഞു.

ഔദ്യോഗിക കണക്കുകൾ പ്രകാരം മഹാരാഷ്ട്രയിൽ നിലവിൽ 3,85,785 സജീവ കേസുകളാണുള്ളത്. പൂനെയിൽ മാത്രമായി 64,084 സജീവ കേസുകളുണ്ട്. 10,728 പേർ രോഗം ബാധിച്ച് മരിക്കുകയും ചെയ്തു.