ഡെറാഡൂണ്‍:ഉത്തരാഖണ്ഡിലെ സില്‍ക്യാര ടണല്‍ രക്ഷാദൗത്യത്തിന് വീണ്ടും തിരിച്ചടി. കോണ്‍ക്രീറ്റ് കൂനകള്‍ക്കിടയിലുള്ള കമ്പികളും സ്റ്റീല് പാളികളും ഉള്ളത് ഓഗര്‍ മെഷീന്‍ പ്രവര്‍ത്തിപ്പിക്കുന്നതിന് തടസമായി. ഇതുകാരണം ഓഗര്‍ മെഷീനിന് സാങ്കേതിക തകരാറുണ്ടായി (Uttarkashi Tunnel Collapse; Rescue Halted Due To Technical Glitch).
വെള്ളിയാഴ്‌ച (നവംബര്‍ 24) വൈകുന്നേരത്തോടെയാണ് മെഷീനിന്‍റെ പ്രവര്‍ത്തനം നിര്‍ത്തിവച്ചത്. അപകടത്തെ തുടര്‍ന്ന് തുരങ്കത്തില്‍ കുടുങ്ങിയവരുടെ രക്ഷാ ദൗത്യം ഇനിയും വൈകുമെന്നാണ് ലഭിക്കുന്ന വിവരം. അപകടത്തിന് ശേഷം 50 മീറ്ററോളം ദൂരം മാത്രമാണ് ഇതുവരെയും തുരക്കാനായത്.