100 മീറ്റർ 8.96 സെക്കൻഡിൽ പൂർത്തിയാക്കി; റെക്കോഡ് നിലനിർത്തി ശ്രീനിവാസ ഗൗഡ

125 മീറ്റർ 11.21 സെക്കൻഡിനുള്ളിൽ ഓടി എത്തിയാണ് ശ്രീനിവാസ ഗൗഡ റെക്കോഡ് നിലനിർത്തിയത്

ബെംഗളൂരു:100 മീറ്റർ ദൂരം വെറും 8.96 സെക്കൻഡിൽ പൂർത്തിയാക്കി പുത്തൻ റെക്കോഡുമായി കമ്പാല ശ്രീനിവാസ ഗൗഡ. 100 മീറ്ററിൽ പനില ​​ബാഡാ പൂജാരിയുടെ എരുമകളെ ശ്രീനിവാസ ഗൗഡ പിന്തുടർന്നത് 8.96 സെക്കൻഡിലാണ്. 125 മീറ്റർ 11.21 സെക്കൻഡിനുള്ളിൽ ഓടി എത്തിയാണ് ശ്രീനിവാസ ഗൗഡ റെക്കോഡ് നിലനിർത്തിയത്.

2020ൽ 100 മീറ്റർ ദൂരം 9.55 സെക്കൻഡിൽ ഓടി ലോക റെക്കോഡ് നേടിയ ആളാണ് ശ്രീനിവാസ ഗൗഡ. ഇതോടെ ഉസൈൻ ബോൾട്ടിൻ്റെ റെക്കോഡാണ് ശ്രീനിവാസ ഗൗഡ മറികടന്നത്.