ന്യൂഡൽഹി: വയനാട് ജില്ലയിലെ മുട്ടിൽ നിന്ന് ഈട്ടി മരങ്ങൾ വെട്ടിമാറ്റിയത് സംബന്ധിച്ച വിഷയത്തിൽ കേന്ദ്ര പരിസ്ഥിതി മന്ത്രി പ്രകാശ് ജാവദേക്കർ റിപ്പോർട്ട് തേടിയെന്ന് വിദേശകാര്യ സഹമന്ത്രി വി. മുരളീധരൻ മാധ്യമ പ്രവർത്തകരോട് പറഞ്ഞു. ഇക്കാര്യത്തിൽ ഇടപെടണമെന്ന് ആവശ്യപ്പെട്ട് മുരളീധരൻ ജാവദേക്കറോട് സന്ദർശിച്ചിരുന്നു. കഴിഞ്ഞ വർഷം സംസ്ഥാന സർക്കാർ പുറപ്പെടുവിച്ച ഉത്തരവിന്‍റെ മറവിലാണ് മരങ്ങൾ കൊള്ളയടിച്ചതെന്ന് അദ്ദേഹം ആരോപിച്ചു.
എൽഡിഎഫ് നേതാക്കളുടെ പൂർണ സമ്മതത്തോടെയാണ് വനം കൊള്ള നടന്നതെന്നും രണ്ട് മുൻ മന്ത്രിമാരുടെ പങ്ക് അന്വേഷിക്കണമെന്നും സംഭവത്തിൽ സമഗ്ര അന്വേഷണം വേണമെന്നും മുരളീധരൻ ആവശ്യപ്പെട്ടു.