ശ്രീനഗര്‍: യുനെസ്കോയുടെ ക്രിയേറ്റീവ് സിറ്റി നെറ്റ്‌വർക്കില്‍ ഇടം പിടിച്ച് ജമ്മു കശ്‌മീരിന്‍റെ വേനൽക്കാല തലസ്ഥാനമായ ശ്രീനഗര്‍. കരകൗശല, നാടോടി കല വിഭാഗത്തിലാണ് (ക്രാഫ്‌റ്റ്‌ ആന്‍റ് ഫോക്ക് ആര്‍ട്ട് കാറ്റഗറി) ശ്രീനഗറിനെ ക്രിയേറ്റീവ് സിറ്റി നെറ്റ്‌വർക്കിലേക്ക് യുനെസ്കോ തെരഞ്ഞെടുത്തിരിക്കുന്നത്. പുതിയ നേട്ടത്തോടെ ശ്രീനഗറിന്‍റെ തനതായ കരകൗശലവസ്തുക്കളെ യുനെസ്‌കോയിലൂടെ ആഗോള വേദിയിൽ എത്തിക്കുവാനാവും.
കലകളും നാടോടി കലകളും, മാധ്യമം, സിനിമ, സാഹിത്യം, ഡിസൈൻ, ഗ്യാസ്ട്രോണമി (ഭക്ഷണവുമായി ബന്ധപ്പെട്ടത്) , മാധ്യമ കലകൾ എന്നിങ്ങനെ ഏഴ്‌ വിഭാഗങ്ങളിലായാണ് യുനെസ്കോ ക്രിയേറ്റീവ് സിറ്റി നെറ്റ്‌വർക്കിലേക്ക് തിരഞ്ഞെടുപ്പ് നടത്തുന്നത്.