video: പ്രച്ഛന്ന വേഷക്കാരനൊപ്പം നൃത്തം; വൈറലായി യുവതിയുടെ വീഡിയോ

കൃഷ്ണാഷ്ടമി ആഘോഷത്തിന്‍റെ ഭാഗമായി നടന്ന ഘോഷയാത്രയില്‍ റോഡ് ബ്ലോക്കായിരുന്നു. ഈ സമയത്താണ് പ്രച്ഛന്ന വേഷക്കാരന്‍ നാസിക് ഡോളിനൊപ്പം ചുവട് വച്ച് യുവതി സഞ്ചരിച്ച കാറിന് അടുത്ത് എത്തിയത്. കാറില്‍ നിന്ന് ഇറങ്ങിയ യുവതി പ്രച്ഛന്ന വേഷക്കാരനൊപ്പം ചേര്‍ന്ന് റോഡില്‍ നൃത്തം ചെയ്യുകയായിരുന്നു

ഉടുപ്പി:കര്‍ണാടകയില്‍ പ്രച്ഛന്ന വേഷക്കാരനൊപ്പം റോഡില്‍ ചുവട്‌വെക്കുന്ന യുവതിയുടെ വീഡിയോ വൈറലാകുന്നു. ശ്രീകൃഷ്ണ ജയന്തിയുമായി ബന്ധപ്പെട്ട നടന്ന പരിപാടിക്കിടെയായിരുന്നു സംഭവം. ആഘോഷത്തിന്‍റെ ഭാഗമായി നടന്ന ഘോഷയാത്രയില്‍ റോഡ് ബ്ലോക്കായിരുന്നു. ഈ സമയത്താണ് പ്രച്ഛന്ന വേഷക്കാരന്‍ നാസിക് ഡോളിനൊപ്പം ചുവട് വച്ച് യുവതി സഞ്ചരിച്ച കാറിന് അടുത്ത് എത്തിയത്.

കാറില്‍ നിന്ന് ഇറങ്ങിയ യുവതി പ്രച്ഛന്ന വേഷക്കാരനൊപ്പം ചേര്‍ന്ന് റോഡില്‍ നൃത്തം ചെയ്യുകയായിരുന്നു. കാഴ്ചക്കാരായിരുന്ന ചിലര്‍ ഇതിന്‍റെ രംഗങ്ങള്‍ സാമൂഹ്യ മാധ്യമങ്ങള്‍ വഴി പ്രചരിപ്പിച്ചു. ഇതോടെയാണ് ഇന്‍റര്‍നെറ്റില്‍ ഡാന്‍സ് വൈറലായത്. എന്നാല്‍ ഡാന്‍സ് കളിച്ച യുവതിയുടെ മറ്റ് വിവരങ്ങള്‍ ലഭ്യമായിട്ടില്ല. എങ്കിലും സോഷ്യല്‍ മീഡിയയില്‍ സൂപ്പര്‍ ഹിറ്റാണ് നൃത്തരംഗം.