ന്യൂഡല്‍ഹി:മഹാരാഷ്ട്ര സർക്കാർ സ്വേച്ഛാധിപത്യമാണെന്ന് ബിജെപി ആരോപിച്ചതോടെ ഹനുമാൻ ചാലിസ പാരായണത്തെച്ചൊല്ലി ബിജെപിയും ശിവസേനയും തമ്മിലുള്ള വാക്പോര് കൂടുതൽ ശക്തമായി. മഹാരാഷ്ട്ര സർക്കാർ സൗദി അറേബ്യയെപ്പോലെയോ സിറിയയെപ്പോലെയോ സ്വേച്ഛാധിപത്യപരമായി മാറുകയാണോയെന്നും തങ്ങളുടെ രാജ്യത്ത് ഹനുമാൻ ചാലിസ ചൊല്ലിയതിന് ശിവസേന ജനങ്ങളുടെ മേൽ ജാസിയ അടിച്ചേൽപ്പിക്കുമോ എന്നും ബിജെപി ചോദിച്ചു.
ആരെ, എവിടെ ആരാധിക്കണമെന്ന് മഹാരാഷ്ട്ര മുഖ്യമന്ത്രി തീരുമാനിക്കുമോ എന്ന് ബിജെപി ദേശീയ ജനറൽ സെക്രട്ടറി തരുൺ ചുഗ് ശിവസേനയോട് ചോദിച്ചു. തനിക്ക് ഓഫീസിൽ ഇരുന്ന് ഹനുമാൻ ജിയെ ധ്യാനിക്കാൻ തോന്നുന്നുവെങ്കിൽ, മുഖ്യമന്ത്രി തന്റെ മേൽ ജാസിയ അടിച്ചേൽപ്പിക്കുമോ എന്നും ഉദ്ധവ് അത്തരം നിയമങ്ങൾ ഉണ്ടാക്കാന്‍ ഇത് സിറിയയോ സൗദി അറേബ്യയോ ആണോ എന്നും താക്കറെ ഇന്ന് പ്രീണന രാഷ്ട്രീയമാണ് മുന്നോട്ടുവെക്കുന്നതെന്നും തരുൺ ചുഗ് കൂട്ടിച്ചേർത്തു.