ന്യൂഡൽഹി: ഇന്ത്യയുടെ ഭൂപടം വീണ്ടും തെറ്റായി ചിത്രീകരിച്ച് ട്വിറ്റര്‍. ജമ്മു കശ്‌മീർ, ലഡാക്ക് എന്നി പ്രദേശങ്ങള്‍ ഒഴിവാക്കിയാണ് ഇന്ത്യയുടെ ഭൂപടം ട്വിറ്റര്‍ പ്രദര്‍ശിപ്പിച്ചത്. ട്വിറ്ററിന്‍റെ കരിയര്‍ വെബ്സൈറ്റായ ട്വീപ് ലൈഫിലാണ് ഇന്ത്യയുടെ വികലമായ ഭൂപടം ഉള്ളത്.
ഇതാദ്യമായല്ല ട്വിറ്റര്‍ ഇന്ത്യയുടെ ഭൂപടം തെറ്റായി ചിത്രീകരിക്കുന്നത്. കഴിഞ്ഞ വര്‍ഷം ഒക്ടോബറിൽ ലഡാക്കിലെ ലൈ പ്രദേശം ചൈനയുടെ ഭാഗമായി ട്വിറ്റർ രേഖപ്പെടുത്തിയിരുന്നു. തുടര്‍ന്ന് ട്വിറ്റര്‍ സിഇഒ ജാക്ക് ഡോർസിക്ക് ഇന്ത്യ മുന്നറിയിപ്പ് നൽകി. ഇത്തരം സംഭവങ്ങള്‍ ട്വിറ്ററിനെ അപകീർത്തിപ്പെടുത്തുക മാത്രമല്ല, അതിന്‍റെ നിഷ്‌പക്ഷതയെയും നീതിബോധവും ചോദ്യം ചെയ്യപ്പെടുമെന്നും ട്വിറ്ററിന് നല്‍കിയ നോട്ടീസില്‍ ഐടി സെക്രട്ടറി വ്യക്തമാക്കിയിരുന്നു.