ജഗ്‌ദല്‍പൂര്‍: ഛത്തീസ്‌ഗഡിലെ സുക്‌മയില്‍ നക്‌സലുകളുമായുള്ള ഏറ്റുമുട്ടലില്‍ വീരമൃത്യു വരിച്ച സൈനികന്‍ പാലക്കാട് ധോണി സ്വദേശി മുഹമ്മദ് ഹക്കീം സുലൈമാന് അന്ത്യാഞ്ജലി അര്‍പ്പിച്ച് സുരക്ഷ സേനയും പൊലീസും. ഹക്കീമിന്‍റെ ഭൗതിക ശരീരം സിആർപിഎഫിന്‍റെ ജഗ്‌ദൽപൂർ ബറ്റാലിയനിൽ എത്തിച്ചാണ് സേന അന്ത്യാഞ്ജലി അര്‍പ്പിച്ചത്. ശേഷം ഭൗതിക ശരീരം ജന്മനാട്ടിലേക്ക് അയച്ചു.
മലയാളി ജവാന് അന്ത്യാഞ്ജലി അര്‍പ്പിച്ച് സേന
സുക്‌മയിലെ ഡബ്ബകൊന്തയ്ക്കും പെന്‍റപാഡിനും ഇടയിലുള്ള വനത്തിൽ തെരച്ചില്‍ നടത്തവെ ഇന്നലെ വൈകിട്ട് 4.30ഓടെയാണ് ആക്രമണം ഉണ്ടായത്. സിആർപിഎഫ് സൈനികര്‍ക്ക് നേരെ നക്‌സലുകള്‍ വെടിയുതിര്‍ക്കുകയായിരുന്നു. സേന തിരിച്ചും വെടിയുതിര്‍ത്തെങ്കിലും നക്‌സലുകള്‍ വനത്തിനുള്ളിലേക്ക് രക്ഷപ്പെട്ടു.