ജയ്‌പൂര്‍: രാജസ്ഥാനിലെ പ്രതാപ്‌ഗഢില്‍ പീഡനത്തിനിരയായ ആദിവാസി സഹോദരിമാര്‍ ജീവനൊടുക്കിയ സംഭവത്തില്‍ സഹപാഠികള്‍ പൊലീസ് കസ്റ്റഡിയില്‍ (Tribal Girl students Found Dead). ഘന്‍റാലിയിലെ ദുംഗ്ലവാണി സ്വദേശികളായ പെണ്‍കുട്ടികളാണ് മരിച്ചത്. പീപല്‍ഖുണ്ടിലെ വാടക വീട്ടിലാണ് പെണ്‍കുട്ടികള്‍ താമസിച്ചിരുന്നത്.
വെള്ളിയാഴ്‌ച (ഒക്‌ടോബര്‍ 6) രാവിലെയാണ് വീടിന് സമീപമുള്ള അഴുക്കു ചാലിന് സമീപം പെണ്‍കുട്ടികളെ ഛര്‍ദിച്ച് അവശനിലയില്‍ കണ്ടെത്തിയത്. ഉടന്‍ തന്നെ നാട്ടുകാരും കുടുംബാംഗങ്ങളും ചേര്‍ന്ന് ഇരുവരെയും ഘന്‍റാലിയിലെ ആശുപത്രിയിെലത്തിച്ചു. ആരോഗ്യ നില വഷളായതിനെ തുടര്‍ന്ന് 108 ആംബുലന്‍സില്‍ ഇരുവരെയും പ്രതാപ്‌ഗഡ് ജില്ല ആശുപത്രിയില്‍ പ്രവേശിപ്പിച്ചെങ്കിലും മരിക്കുകയായിരുന്നു.