യാത്രകാർക്ക് കൊവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കി രാജസ്ഥാൻ സർക്കാർ

മഹാരാഷ്‌ട്ര, കേരളം എന്നീ സംസ്ഥാനങ്ങളിൽ നിന്ന് രാജസ്ഥാനിലേക്ക് എത്തുന്ന യാത്രക്കാർക്കാണ് നെഗറ്റീവ് സർട്ടിഫിക്കറ്റ് നിർബന്ധമാക്കിയത്.

ജയ്‌പൂർ: മഹാരാഷ്‌ട്ര, കേരളം എന്നീ സംസ്ഥാനങ്ങളിൽ നിന്ന് രാജസ്ഥാനിലേക്ക് എത്തുന്ന യാത്രക്കാർക്ക് കൊവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കി രാജസ്ഥാൻ സർക്കാർ. 72 മണിക്കൂർ മുമ്പെടുത്ത ആർടി-പിസിആർ റിപ്പോർട്ട് ഹാജരാക്കണം. ഇതിനു മുമ്പ് ഈ സംസ്ഥാനങ്ങളിൽ നിന്ന് എത്തുന്നവർക്ക് ഉത്തരാഖണ്ഡ്, കർണാടക, തമിഴ്നാട് സർക്കാറുകൾ നിയന്ത്രണം ഏർപെടുത്തിയിരുന്നു. മഹാരാഷ്‌ട്ര സർക്കാരും കേരളത്തിൽ നിന്നുളളവർക്ക് കൊവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കി ഉത്തരവ് ഇറക്കിയിരുന്നു.