ചണ്ഡീഗഢ്: അംബാല-ഡൽഹി ഹൈവേയിൽ തിങ്കളാഴ്ച പുലർച്ചെ മൂന്ന് ടൂറിസ്റ്റ് ബസുകൾ കൂട്ടിയിടിച്ചുണ്ടായ അപകടത്തിൽ അഞ്ച് പേർ കൊല്ലപ്പെട്ടു. കത്രയിൽ നിന്ന് ഡൽഹിയിലേക്ക് പോവുകയായിരുന്ന ടൂറിസ്റ്റ് ബസുകളാണ് കൂട്ടിയിടിച്ചത്. അപകടത്തിൽ 10 പേർക്ക് പരിക്കേറ്റു.
ഹൈവേയിൽ മുൻവശത്തുണ്ടായിരുന്ന ബസ് ഡ്രൈവർ പെട്ടെന്ന് ബ്രേക്ക് പിടിച്ചതാണ് അപകടത്തിന് കാരണമായതെന്നാണ് വിവരം. ഇതിന് പിന്നാലെ പിന്നിൽ നിന്ന് വന്ന രണ്ട് ബസുകളും ബ്രേക്ക് ചവിട്ടിയതിനെ തുടർന്ന് മൂന്ന് ബസുകളും തമ്മിൽ കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ മൂന്ന് ബസുകളുടെയും മുൻഭാഗം പൂർണമായും തകർന്നു.