തിരുനെൽവേലി: അടുത്ത കാലത്തായി തമിഴ്‌നാട്ടിലെ യുവാക്കളിൽ സർക്കാർ ജോലി നേടാനുള്ള ആഗ്രഹം വർധിച്ചിട്ടുണ്ടെന്നാണ് റിപ്പോര്‍ട്ടുകള്‍. സർക്കാർ ജോലിയിൽ കൂടുതൽ ശമ്പളവും ബഹുമാനവും ലഭിക്കുമെന്ന ചിന്തയാണ് ഇതിന് പിന്നില്‍. ഇതിന്‍റെ ഭാഗമായി ടിഎൻപിഎസ്‌സിയുടെ (തമിഴ്‌നാട് പബ്ലിക് കമ്മിഷന്‍) പരീക്ഷയിൽ കൂടുതൽ യുവാക്കൾ താൽപര്യം പ്രകടിപ്പിക്കുന്നുണ്ട്.
മത്സര പരീക്ഷകൾക്ക് തയ്യാറെടുക്കുന്നവര്‍ക്കായി തിരുനെൽവേലി സിറ്റി കോർപ്പറേഷന്‍റെ ഉടമസ്ഥതിയിലുള്ള പാര്‍ക്ക് 24 മണിക്കൂര്‍ സമയവും തുറന്ന് നല്‍കി ഉദ്യോഗാര്‍ഥികള്‍ക്ക് കൂടുതല്‍ അവസരം നല്‍കിയിരിക്കുകയാണിപ്പോള്‍. പാളയങ്കോട്ട പുതിയ ബസ് സ്റ്റാൻഡിന് എതിർവശത്തുള്ള സരോജിനി പാർക്കാണ് ഉദ്യോഗാര്‍ഥികള്‍ക്കായി തുറന്ന് കൊടുത്തിരിക്കുന്നത്.
സരോജിനി പാര്‍ക്ക് 24 മണിക്കൂറും; ഉദ്യോഗാര്‍ഥികള്‍ക്ക് സഹായവുമായി തിരുനെൽവേലി സിറ്റി കോർപ്പറേഷന്‍