ബുര്‍ഹാന്‍പൂര്‍(മധ്യപ്രദേശ്): അമ്മമാര്‍ ശ്രദ്ധിക്കുക, ഇപ്പോഴത്തെ കുട്ടികള്‍ വേറെ 'ലെവല്‍' ആണ്. ഇതിന് ഉദാഹരണമാണ് മധ്യപ്രദേശിലെ ബുര്‍ഹാന്‍ ജില്ലയിലെ ഡെഡ്‌തലി ഗ്രാമത്തിലെ സദ്ദാം എന്ന മൂന്ന് വയസുകാരന്‍. തന്നെ ചെറുതായി ഒന്ന് തല്ലിയ അമ്മയ്‌ക്കെതിരെ പൊലീസ് സ്റ്റേഷനില് എത്തി പരാതി കൊടുത്തിരിക്കുകയാണ് സദ്ദാം.
അമ്മ തല്ലി, ജയിലിലടക്കണമെന്ന് മൂന്ന് വയസുകാരന്‍, സമാധാനിപ്പിക്കാന്‍ പൊലീസ് ചെയ്‌തത്, രസകരമായ വീഡിയോ
സദ്ദാമിനെ കുളിപ്പിച്ചതിന് ശേഷം അവന്‍റെ അമ്മ, അവന് കണ്‍മഷി ഇടാന്‍ തുടങ്ങിയപ്പോഴാണ് പ്രശ്‌നമുണ്ടായത്. കണ്‍മഷി ഇടാന്‍ സദ്ദാം വിസമ്മതിച്ചപ്പോള്‍ അമ്മ ചെറിയൊരു തല്ല് കൊടുത്തു. തുടര്‍ന്നാണ് അമ്മയ്‌ക്കെതിരെ പൊലീസില്‍ പരാതി കൊടുക്കണമെന്ന് സദ്ദാം തന്‍റെ അച്ഛനോട് വാശിപിടിച്ചത്. സദ്ദാമിനെ സമാധാനിപ്പിക്കാനായി അച്ഛന്‍ പൊലീസ് സ്റ്റേഷനിലേക്ക് സദ്ദാമിനോടൊപ്പം പോകുകയായിരുന്നു.