ബെംഗളൂരു :ആംബുലൻസ് ലോറിയുമായി കൂട്ടിയിടിച്ച് മൂന്ന് മരണം. ഗുരുതരമായി പരിക്കേറ്റ മറ്റ് രണ്ടുപേരെ സമീപത്തുള്ള ആശുപത്രിയിൽ പ്രവേശിപ്പിച്ചു. ബെംഗളൂരുവിൽ നിന്ന് ഹൊസൂറിലേക്ക് പോവുകയായിരുന്ന ആംബുലൻസാണ് അപകടത്തിൽപെട്ടത്.
വ്യാഴാഴ്‌ചയായിരുന്നു സംഭവം. മുന്നിലൂടെ പോവുകയായിരുന്ന ലോറിയിൽ ആംബുലന്‍സ് ഇടിക്കുകയായിരുന്നു. പൊലീസ് സ്ഥലത്തെത്തി പരിശോധന നടത്തി.
അതേസമയം പീനിയയില്‍ ടെമ്പോ ഇടിച്ച് ബൈക്ക് യാത്രികനായ യുവാവ് മരിച്ചു. മറ്റൊരു ബൈക്ക് യാത്രികന് ഗുരുതരമായി പരിക്കേറ്റു. സംഭവത്തിൽ ടെമ്പോ ഡ്രൈവറെ പൊലീസ് കസ്റ്റഡിയിലെടുത്തിട്ടുണ്ട്.