ആഗ്ര: ടി20 ലോകകപ്പിലെ ഇന്ത്യന്‍ തോല്‍വിക്ക് പിന്നാലെ പാക് അനുകൂല മുദ്രാവാക്യം വിളിക്കുകയും അതുമായി ബന്ധപ്പെട്ട പോസ്റ്റുകൾ സോഷ്യൽ മീഡിയയിൽ പങ്കുവെയ്‌ക്കുകയും ചെയ്തുവെന്നാരോപിച്ച് കശ്മീരി വിദ്യാർഥികള്‍ക്കെതിരെ കേസ്. ബിജെപി യുവജന വിഭാഗം നേതാവിന്‍റെ പരാതിയിലാണ് അഗ്രയിലെ ഒരു എഞ്ചിനിയറിങ് കോളജിലെ മൂന്ന് വിദ്യാര്‍ഥികള്‍ക്കെതിരെ യുപി പൊലീസ് കേസെടുത്തത്.
ബിജെപി യുവജനവിഭാഗം നേതാവ് ഗൗരവ് രജാവത്ത് നൽകിയ പരാതിയുടെ അടിസ്ഥാനത്തിൽ ജഗദീഷ്പുര പൊലീസ് സ്റ്റേഷനിലാണ് എഫ്ഐആർ രജിസ്റ്റർ ചെയ്തതെന്ന് എസ്‌പി (സിറ്റി) വികാസ് കുമാർ പറഞ്ഞു. ഇതനുസരിച്ച് നിയമനടപടി സ്വീകരിക്കുമെന്നും മത്സരത്തിന് ശേഷം ചിലയാളുകള്‍ വാട്‌സാപ്പില്‍ രാജ്യവിരുദ്ധ സന്ദേശങ്ങള്‍ എഴുതിയതായി വിവരം ലഭിച്ചിട്ടുണ്ടെന്നും എസ്‌പി വ്യക്തമാക്കി.