ഭോപ്പാല്‍ : ആശുപത്രിയില്‍ നിന്ന് ആംബുലന്‍സ് വിട്ടുനല്‍കാത്തതിനെ തുടര്‍ന്ന് അമ്മയുടെ മൃതദേഹവുമായി വീട്ടിലേക്ക് 80 കിലോമീറ്റര്‍ ബൈക്കില്‍ യാത്ര ചെയ്യേണ്ടിവന്ന ദുര്യോഗം നേരിട്ട് യുവാവ്. മധ്യപ്രദേശിലെ അനുപ്പൂര്‍ ജില്ലയില്‍ തിങ്കളാഴ്‌ചയാണ് നടുക്കുന്ന സംഭവം. അനുപൂരിലെ ഗോദാരു ഗ്രാമത്തിലെ ജയ്‌മന്ത്രി യാദവ് എന്ന ആദിവാസി സ്‌ത്രീയുടെ മൃതദേഹം ബൈക്കിലാണ് യുവാവ് വീട്ടിലെത്തിച്ചത്.
നെഞ്ചുവേദനയെ തുടര്‍ന്നാണ് ജയ്‌മന്ത്രിയെ ഷാഡോൾ ജില്ല ആശുപത്രിയിൽ പ്രവേശിപ്പിച്ചത്. എന്നാല്‍ മികച്ച ചികിത്സ നല്‍കുന്നതിനായി ഷഹ്ഡോൾ മെഡിക്കൽ കോളജിലേക്ക് മാറ്റിയെങ്കിലും ജയ്‌മന്ത്രി മരിച്ചു. മൃതദേഹം നാട്ടിലെത്തിക്കാന്‍ മകന്‍ ആശുപത്രി അധികൃതരോട് ശവപ്പെട്ടിയും ആംബുലന്‍സും ആവശ്യപ്പെട്ടു.