ഹൈദരാബാദിലെ മഹാബൂബ്‌ നഗർ ജില്ലയിൽ ഗ്രനേഡ് കണ്ടെത്തി
ജില്ലാ ആസ്ഥാനം സ്ഥിതി ചെയ്യുന്ന ധർമ്മപൂർ ഗ്രാമത്തിലാണ്‌ ഗ്രേനേഡ്‌ കണ്ടെത്തിയത്‌
മഹാബൂബ്‌ നഗർ ജില്ലയിൽ ഗ്രനേഡ് കണ്ടെത്തി
ഹൈദരാബാദ്‌:തെലങ്കാനയിലെ മഹാബൂബ്‌ നഗർ ജില്ലയിൽ ഗ്രനേഡ് കണ്ടെത്തി. ജില്ലാ ആസ്ഥാനം സ്ഥിതി ചെയ്യുന്ന ധർമ്മപൂർ ഗ്രാമത്തിലാണ്‌ ഗ്രേനേഡ്‌ കണ്ടെത്തിയത്‌. കന്നുകാലികളെ മേയ്‌ക്കാനെത്തിയ സ്‌ത്രീയാണ്‌ ഗ്രനേഡ് ആദ്യം കണ്ടത്. ഇവര്‍ ഗ്രാമത്തലവനെ അറിയിക്കുകയായിരുന്നു. തുടർന്ന്‌ പൊലീസിൽ വിവരം അറിയിക്കുകയായിരുന്നു. പൊലീസ് സംഭവ സ്ഥലത്തെത്തി പരിശോധന നടത്തി. സംഭവത്തില്‍ അന്വേഷണം ആരംഭിച്ചതായി പൊലീസ് അറിയിച്ചു.