ബംഗളൂരു: 19ാമത് കർണാടക ഗവർണറായി മുൻ രാജ്യസഭാ എംപി തവർചന്ദ് ഗെലോട്ട് ഞായറാഴ്‌ച സത്യപ്രതിജ്ഞ ചെയ്യും. രാവിലെ 10.30ന് രാജ്ഭവനിൽ വച്ചായിരിക്കും സത്യപ്രതിജ്ഞ ചടങ്ങുകൾ നടത്തുക. ജൂലൈ ആറിനാണ് മുൻ കേന്ദ്ര സാമൂഹികനീതി, ശാക്തീകരണ വകുപ്പ് മന്ത്രിയായ ഗെലോട്ടിനെ കർണാടകയുടെ പുതിയ ഗവർണറായി നിയമിച്ചത്.
ജൂലൈ ഏഴിന് നടന്ന മന്ത്രിസഭാ പുനഃക്രമീകരണത്തിന് മുന്നോടിയായി മന്ത്രിസ്ഥാനം രാജിവച്ച 12 കേന്ദ്രമന്ത്രിമാരിൽ ഒരാളായിരുന്നു ഗെലോട്ട്. 2006 മുതൽ 2014 വരെ പാർട്ടി ജനറൽ സെക്രട്ടറിയായിരുന്ന സമയത്ത് അദ്ദേഹം ബിജെപിയുടെ കർണാടക യൂണിറ്റ് നേതാവ് എന്ന നിലയിലും പ്രവർത്തിച്ചുവരുന്നു. നിലവിൽ 2014 മുതൽ കർണാടക ഗവർണറായ സേവനമനുഷ്‌ഠിച്ച വജുഭൈ ആർ വാലയ്‌ക്ക് ബദലായാണ് ഗെലോട്ട് സ്ഥാനമേൽക്കുന്നത്.