കൊവിഡ് നിയമങ്ങൾ ലംഘിച്ച് ഡാൻസ് പാർട്ടി; പ്രാദേശിക ബിജെപി നേതാവിനെതിരെ കേസ്

ജൂൺ 11, 12 എന്നീ തീയതികളിലാണ് ഡാൻസ് പാർട്ടി സംഘടിപ്പിച്ചത്.

ഹൈദരാബാദ്:കൊച്ചുമകളുടെ ജന്മദിനത്തോടനുബന്ധിച്ച് കൊവിഡ് മാനദണ്ഡങ്ങൾ ലംഘിച്ച് ഡാൻസ് പാർട്ടി സംഘടിപ്പിച്ച പ്രാദേശിക ബിജെപി നേതാവിനെതിരെ കേസെടുത്ത് തെലങ്കാന പൊലീസ്. ജൂൺ 11, 12 എന്നീ തീയതികളിലാണ് ട്രാൻസ്‌ജെൻഡർ വിഭാഗങ്ങളെ സംഘടിപ്പിച്ച് നൃത്ത സന്ധ്യ നടത്തിയത്. തുടർന്ന് സംഭവത്തിന്‍റെ ദൃശ്യങ്ങൾ ഇയാൾ സോഷ്യൽ മീഡിയയിൽ പോസ്റ്റ് ചെയ്തു.

ഇന്ത്യൻ ശിക്ഷാ നിയമത്തിലെ വിവിധ വകുപ്പുകൾ പ്രകാരം ഇയാൾക്കെതിരെ പൊലീസ് കേസ് രജിസ്റ്റർ ചെയ്തു. അതേസമയം സംസ്ഥാനത്ത് ചില ജില്ലകളിലെ കൊവിഡ് കേസുകളുടെ എണ്ണം കണക്കിലെടുത്ത് ലോക്ക്ഡൗൺ ജൂൺ 19 വരെ നീട്ടിയിട്ടുണ്ട്.