ഹൈദരാബാദ്: തെലുങ്കാനയില്‍ ആദ്യ ഡോസ് വാക്‌സിന്‍ സ്വീകരിച്ചവരുടെ എണ്ണം രണ്ട് ലക്ഷത്തോട് അടുക്കുന്നു. ആരോഗ്യ വകുപ്പ് പുറത്ത് വിട്ട ഏറ്റവും ഒടുവിലത്തെ കണക്കുകള്‍ പ്രകാരം 256 മുന്നണി പോരാളികളുള്‍പ്പെടെ സംസ്ഥാനത്ത് ആദ്യ ഡോസ് വാക്‌സിന്‍ സ്വീകരിച്ചത് 1,89,403 പേരാണ്.
18 നും 44 വയസിനും ഇടയില്‍ പ്രായമുള്ള 1,43,141 പേരും 45 വയസിന് മുകളിലുള്ള 45,910 പേരും ആദ്യ ഡോസ് വാക്‌സിന്‍ സ്വീകരിച്ചു. 30,434 പേര്‍ രണ്ട് ഡോസ് പ്രതിരോധ കുത്തിവയ്പ്പും എടുത്തിട്ടുണ്ട്.
ഇതില്‍ 424 ആരോഗ്യ പ്രവര്‍ത്തകരും 492 മുന്നണി പോരാളികളും ഉള്‍പ്പെടും. 18 നും 44 നുമിടയില്‍ പ്രായമുള്ള 5,453 പേരും 45 വയസിന് മുകളിലുള്ള 24,065 പേരും രണ്ട് ഡോസ് വാക്‌സിനുകളും സ്വീകരിച്ചിട്ടുണ്ട്.