ചെന്നൈ : സംസ്ഥാനത്തെ പരമ്പരാഗത ആയോധന കലാരൂപമായ 'ചിലമ്പം' കായിക സംവരണത്തിന്‍റെ ഭാഗമാക്കാന്‍ തമിഴ്‌നാട് സർക്കാർ. വിദ്യാഭ്യാസ സ്ഥാപനങ്ങളിലെ പ്രവേശനത്തിനും പബ്ലിക് സർവീസ് കമ്മിഷന്‍ മുഖേനയുള്ള നിയമനങ്ങള്‍ക്കും ഈ വിഭാഗത്തില്‍ 3 ശതമാനം സംവരണം ഏര്‍പ്പെടുത്തും. യുവജനക്ഷേമ,കായിക വികസന മന്ത്രി ശിവ വി. മെയ്യനാഥനാണ് ഇക്കാര്യം അറിയിച്ചത്.
തമിഴ്‌ ജനത വികസിപ്പിച്ചെടുത്ത ആയോധന കലാരൂപമാണ് ചിലമ്പം. 'ഖേലോ ഇന്ത്യ' പരിപാടിയിലൂടെ 'പ്രമോഷൻ ഓഫ് ഇൻക്ലൂസീവ്നെസ്' പ്രകാരം കേന്ദ്ര യുവജനക്ഷേമ, കായിക മന്ത്രാലയം ചിലമ്പത്തെ അംഗീകരിച്ചതായി മന്ത്രി അറിയിച്ചു.