തിരുച്ചിറപ്പള്ളി: കുവൈറ്റില്‍ തൊഴിലുടമയുടെ വെടിയേറ്റ് തമിഴ്‌നാട് സ്വദേശി മരിച്ച സംഭവത്തില്‍ പ്രതിഷേധവുമായി കുടുംബം. കൊരടച്ചേരി സ്വദേശിയായ ആർ മുത്തുകുമാരനാണ് (37) കൊല്ലപ്പെട്ടത്. ഇയാളുടെ മൃതദേഹം നാട്ടിലെത്തിക്കാന്‍ സര്‍ക്കാര്‍ അടിയന്തരമായി ഇടപെടണമെന്ന് ആവശ്യപ്പെട്ടാണ് പ്രതിഷേധം. ചൊവ്വാഴ്‌ച (സെപ്‌റ്റംബര്‍ 13) കൊരടച്ചേരി മന്നാർഗുഡി തഹസിൽദാർ ഓഫിസിലേക്കായിരുന്നു മാര്‍ച്ച്.
ഒട്ടകത്തെ പരിപാലിക്കാൻ വിസമ്മതിച്ചതിനാണ് യുവാവിനെ കൊലപ്പെടുത്തിയതെന്നാണ് ലഭിക്കുന്ന വിവരം. കൊരടച്ചേരിയില്‍ പച്ചക്കറിക്കട നടത്തുകയായിരുന്ന മുത്തുകുമാരന്‍ സെപ്റ്റംബർ മൂന്നിനാണ് കുവൈറ്റിലെത്തിയത്. പച്ചക്കറി വില്‍പനയില്‍ കാര്യമായ വരുമാനം ഇല്ലാത്തതിനാലാണ് ഇയാള്‍ വിദേശത്തെത്തിയത്. തുടര്‍ന്ന് അവിടെ ഒരു സൂപ്പർമാർക്കറ്റിൽ ജോലിയില്‍ കയറി.