ചെന്നൈ: അടുത്ത 6 മാസത്തിനുള്ളില്‍ മാധ്യമങ്ങളെ ബിജെപിയുടെ നിയന്ത്രണത്തില്‍ കൊണ്ടുവരുമെന്ന പരാമര്‍ശത്തില്‍ വിശദീകരണവുമായി തമിഴ്‌നാട് ബിജെപി അധ്യക്ഷൻ കെ അണ്ണാമലൈ. കേന്ദ്ര സര്‍ക്കാരിനെ കുറിച്ചും, സര്‍ക്കാര്‍ നയങ്ങളെ കുറിച്ചും വ്യാജ വാര്‍ത്തകളാണ് നവമാധ്യമങ്ങള്‍ പുറത്തുവിടുന്നത്. ഇതിന് അവസാനം കുറിക്കുമെന്നാണ് താൻ പറഞ്ഞതെന്നാണ് അണ്ണാമലൈ നല്‍കിയ വിശദീകരണം. അണ്ണാമലൈയുടെ പരാമര്‍ശം വലിയ വിവാദമാണ് സൃഷ്ടിച്ചത്.
"മാധ്യമങ്ങളെ മറന്നേക്കൂ. അവര്‍ നമ്മളെക്കുറിച്ച് എന്തൊക്കെ അപവാദം പറയുന്നു എന്നത് ശ്രദ്ധിക്കേണ്ടതില്ല. അടുത്ത ആറ് മാസത്തിനുള്ളില്‍ മാധ്യമങ്ങള്‍ ബിജെപിയുടെ നിയന്ത്രണത്തിലാകും" - അണ്ണാമലൈ പറഞ്ഞു.