ദുബായ്:ലോകകപ്പ് ടി20 ഫൈനല്‍ പോരാട്ടത്തില്‍ ന്യൂസിലൻഡും ഓസ്ട്രേലിയയും ഏറ്റുമുട്ടുന്നു. ദുബായ് ഇന്‍റർനാഷണൽ ക്രിക്കറ്റ് സ്റ്റേഡിയത്തിൽ ടോസ് നേടിയ ഓസ്ട്രേലിയ ന്യൂസിലൻഡിനെ ബാറ്റിങിന് അയച്ചു. ഓസീസ് സെമിയിലെ ടീമിനെ തന്നെ ഫൈനൽ പോരാട്ടത്തിലേക്കും തെരഞ്ഞെടുത്തപ്പോൾ കിവീസ് നിരയിൽ മാറ്റമുണ്ട്. പരിക്ക് പറ്റിയ ഡെവോണ്‍ കേണ്‍വെയ്‌ക്ക് പകരം വിക്കറ്റ് കീപ്പറായി ടിം സീഫെര്‍ട്ട് (Tim Seifert) ടീമിലെത്തി.
കെയ്ൻ വില്യംസണിന്‍റെ നേതൃത്വത്തിലുള്ള ന്യൂസിലൻഡാണ് കിരീടം നേടുന്നതെങ്കിൽ ഒരു വർഷം രണ്ട് ഐസിസി കിരീടം നേടുന്ന ആദ്യ ടീം എന്ന പേര് കിവീസിന് സ്വന്തമാകും. ഈ വർഷം കിവീസ് ഐസിസി ലോക ടെസ്റ്റ് ചാമ്പ്യന്‍ഷിപ്പ് മത്സരത്തിൽ ടീം ഇന്ത്യയെ തോൽപ്പിച്ച് കിരീടം സ്വന്തമാക്കിയിരുന്നു.