ഹൈദരാബാദ്: തെലങ്കാനയില്‍ എംബിഎ വിദ്യാര്‍ഥി മെട്രോ സ്റ്റേഷനില്‍ നിന്ന് താഴേക്ക് ചാടി ജീവനൊടുക്കി. ഹൈദരാബാദിലെ എസ്ആര് നഗര്‍ പൊലീസ് സ്റ്റേഷന് കീഴിലുള്ള ഇഎസ്‌ഐ മെട്രോ സ്റ്റേഷനിലാണ് സംഭവം. എസ്ആര് നഗര്‍ സ്വദേശിയായ 22കാരിയാണ് ആത്മഹത്യ ചെയ്‌തത്.
വിദ്യാര്‍ഥി മെട്രോ സ്റ്റേഷനില്‍ നിന്ന് താഴേക്ക് ചാടുന്നതിന്‍റെ ദൃശ്യം
ചൊവ്വാഴ്‌ച വൈകിട്ട് 5.30നാണ് ദാരുണമായ സംഭവം. ഇഎസ്‌ഐ മെട്രോ സ്റ്റേഷനിലെത്തിയ വിദ്യാര്‍ഥി ഒന്നാം നിലയില്‍ നിന്ന് താഴേക്ക് ചാടുകയായിരുന്നു. വിദ്യാര്‍ഥിയെ ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.