പട്‌ന (ബിഹാർ): സ്‌പൈഡർമാനെ പോലെ ഓവർ ബ്രിഡ്‌ജിന് മുകളിൽ തൂങ്ങിക്കിടന്ന് പാഞ്ഞുപോകുന്ന ട്രെയിനിലെ യാത്രക്കാരന്‍റെ ഫോൺ തട്ടിപ്പറിച്ച് വിരുതൻ. അസാമാന്യ മോഷണത്തിന്‍റെ ദൃശ്യങ്ങൾ സമൂഹ മാധ്യമങ്ങളിൽ പ്രചരിക്കുകയാണ്. സെക്കന്‍റുകൾ ഇഴകീറി മുറിക്കുന്ന സമയം കൊണ്ടാണ് മോഷണം നടന്നത്. വീഡിയോ സ്ലോ മോഷനിൽ കണ്ടാൽ മാത്രമാണ് എന്താണ് സംഭവിച്ചത് എന്ന് മനസിലാകൂ.
പാലത്തിൽ തൂങ്ങിക്കിടന്ന് ഓടുന്ന ട്രെയിനിൽ നിന്ന് ഫോൺ തട്ടിപ്പറിച്ചു; ദൃശ്യങ്ങൾ കണ്ട് അമ്പരന്ന് സോഷ്യൽ മീഡിയ
ബിഹാറിലെ ബെഗുസരായിയിലാണ് മൊബൈൽ ഫോൺ മോഷണം നടന്നത്. ജൂൺ 4ന് പട്‌നയിൽ നിന്ന് ഇന്‍റർസിറ്റി എക്‌സ്‌പ്രസിൽ കതിഹാറിലേക്ക് മടങ്ങുകയായിരുന്നു കതിഹാർ നഗർ സ്വദേശിയായ മുഹമ്മദ് സമീർ. ട്രെയിനിന്‍റെ വാതിലിൽ മറ്റൊരാൾക്കൊപ്പം ഇരുന്നുകൊണ്ട് ഫോണിൽ നദിയുടെ ദൃശ്യങ്ങൾ എടുക്കുകയായിരുന്നു സമീർ.