ന്യൂഡൽഹി: മഹാമാരിയിൽ മാതാപിതാക്കളെ നഷ്‌ടപ്പെട്ട കുട്ടികളുടെ ഭാവി കണക്കിലെടുത്ത് അവർക്ക് സൗജന്യ വിദ്യാഭ്യാസം ഉറപ്പുവരുത്തണമെന്ന് കേന്ദ്രത്തോടും ചാരിറ്റബിൾ ഓർഗനൈസേഷനോടും അഭ്യർഥിച്ച് നടൻ സോനു സൂദ്. സാമൂഹ്യ മാധ്യമത്തിൽ പങ്കുവച്ച വീഡിയോയിലൂടെയാണ് അദ്ദേഹം ഇക്കാര്യം ഏവരുടെയും ശ്രദ്ധയിൽ കൊണ്ടുവന്നത്.
കൊവിഡിൽ ജീവൻ നഷ്‌ടപ്പെട്ടവരുടെ മക്കൾക്ക് യാതൊരു തടസവും കൂടാതെ പഠിക്കാനുള്ള സൗകര്യം സംസ്ഥാന സർക്കാരും കേന്ദ്ര സർക്കാരും സഹായിക്കാൻ ആഗ്രഹിക്കുന്ന ഏതൊരു സംഘടനയും ഒരുക്കിനൽകണമെന്ന് അഭ്യർഥിക്കുന്നുവെന്ന് വീഡിയോയിലൂടെ സോനു സൂദ് അറിയിച്ചു. മഹാമാരിയിൽ ജീവൻ വെടിഞ്ഞ എല്ലാവരെയും ഓർക്കുന്നതായും അദ്ദേഹം കൂട്ടിച്ചേർത്തു.