മുംബൈ:ബോളിവുഡിന്‍റെ ക്യൂട്ട് കപ്പിള്‍സാണ് രണ്‍ബീര്‍ കപൂറും ആലിയ ഭട്ടും. താര ദമ്പതികളുടെ ജീവിതത്തിലേയ്‌ക്ക് ഒരു കുഞ്ഞതിഥി കൂടി വരാനൊരുങ്ങുകയാണ്. ഇക്കാര്യം ആലിയ തന്‍റെ ഇന്‍സ്‌റ്റഗ്രാം പോസ്‌റ്റിലൂടെ ആരാധകരെ അറിയിക്കുകയായിരുന്നു. ആലിയയും രണ്‍ബീറും മാതാപിതാക്കളാകാന്‍ പോകുന്നുവെന്ന വാര്‍ത്ത വന്നത് മുതല്‍ താര ദമ്പതികളെ കുറിച്ച്‌ നിരവധി അഭ്യൂഹങ്ങളാണ് പ്രചരിക്കുന്നത്.
Ranbir Kapoor about twins: ആലിയക്കും രണ്‍ബീറിനും ഇരട്ട കുട്ടികളാണ് ഉണ്ടാകുന്നത് എന്നാണ് സോഷ്യല്‍ മീഡിയയിലെ സംസാര വിഷയം. അടുത്തിടെ രണ്‍ബീര്‍ ഒരു മാധ്യമത്തിന് നല്‍കിയ അഭിമുഖത്തിന്‍റെ വീഡിയോ സോഷ്യല്‍ മീഡിയയില്‍ പ്രത്യക്ഷപ്പെട്ടിരുന്നു. അഭിമുഖത്തില്‍ തന്‍റെ ആദ്യ കുഞ്ഞിനെ കുറിച്ചുള്ള ചോദ്യവും ഉയര്‍ന്നിരുന്നു. അഭിമുഖത്തിന്‍റെ ഭാഗമായി താരം ഒരു ഗെയിമിലും പങ്കെടുത്തിരുന്നു. 'രണ്ട് സത്യവും ഒരു കള്ളവും' എന്ന ഗെമിയില്‍ രണ്‍ബീര്‍ നല്‍കിയ മറുപടി കേട്ട് ഏവരും ആശ്ചര്യപ്പെട്ടു.
Ranbir Kapoor viral statement: 'എനിക്ക് ഇരട്ട കുട്ടികളാണ്, ഞാൻ ഒരു വലിയ പുരാണ ചിത്രത്തിന്‍റെ ഭാഗമാകാൻ പോകുന്നു, ജോലിയിൽ നിന്നും ഒരു നീണ്ട ഇടവേള എടുക്കുകയാണ്' എന്നിങ്ങനെ മൂന്ന് പ്രസ്‌താവനകളാണ് താരം ഗെയിമില്‍ മറുപടി നല്‍കിയത്. ഇതിന് പിന്നാലെ ഇതില്‍ ഏതാണ് ശരി, ഏതാണ് തെറ്റായ പ്രസ്‌താവ എന്ന് കണ്ട് പിടിക്കാനുള്ള തിരക്കിലാണ് ആരാധകര്‍.
എന്തായാലും രണ്‍ബീറിന്‍റെ ഈ വാക്കുകള്‍ സോഷ്യല്‍ മീഡിയയില്‍ വൈറലായി. പിന്നാലെ പലരും രസകരമായ കമന്‍റുകളുമായെത്തി. താരദമ്പതികള്‍ ഇരട്ട കുഞ്ഞിങ്ങളെയാണോ പ്രതീക്ഷിക്കുന്നത് എന്ന് പലരും ചോദിക്കാൻ തുടങ്ങി.
Social media comments on Ranbir Kapoor twins: 'ഏതാണ് ശരി? ഏതാണ് തെറ്റ്? എന്‍റെ അഭിപ്രായത്തില്‍ 'എനിക്ക് ഇരട്ട കുട്ടികള്‍ ആണ്' എന്ന രണ്‍ബീറിന്‍റെ പ്രസ്‌താവനയാണ് തെറ്റ്. കാരണം താരത്തിന്‍റെ ഏറ്റവും പുതിയ ചിത്രങ്ങളിലൊന്നായ രാമായണം ഉടന്‍ തന്നെ പൂര്‍ത്തിയാകും. നീണ്ട ഇടവേളയ്‌ക്കായുള്ള ചര്‍ച്ചയിലാണിപ്പോള്‍ താരമിപ്പോള്‍. 'ബ്രഹ്മാസ്‌ത്ര'യ്‌ക്ക് ശേഷം രണ്ട് മാസത്തെ ഇടവേളയ്‌ക്ക് ശേഷമായിരിക്കും താരം പുതിയ ചിത്രം 'അനിമലി'ലേയ്‌ക്ക് കടക്കുക.'-ഇപ്രകാരമാണ് ഒരാളുടെ ട്വീറ്റ്.
'രണ്‍ബീറിന് ഇരട്ടു കുട്ടികള്‍ തന്നെയാകും, എനിക്ക് ഉറപ്പുണ്ട്. അവസാനം പറഞ്ഞ പ്രസ്‌താവനയാണ് തെറ്റ്.'-മറ്റൊരാള്‍ കുറിച്ചു. 'രണ്‍ബീറിന് ഇരട്ട കുട്ടികളാണ്. ഇത് സത്യമാണെന്ന് ഞാന്‍ പ്രതീക്ഷിക്കുന്നു. ഇത് സത്യമാണെന്ന് ഞാന്‍ വിശ്വസിക്കുന്നു.' -മറ്റൊരു ആരാധകന്‍റെ വികാരാധീനമായ കുറിപ്പ് ഇപ്രകാരമാണ്.