VIDEO: പൂച്ചകുഞ്ഞുങ്ങളെ ഭക്ഷണമാക്കി, സ്‌കൂളില്‍ വിശ്രമം; ആറടിയോളം നീളമുള്ള പാമ്പിനെ പിടിച്ചത് ആന്ധ്രയില്‍

ആന്ധ്രാപ്രദേശിലെ ഏലൂര്‍ ജില്ലയിലെ നാരായണപുരം ഗവൺമെന്റ് ഹൈസ്‌കൂൾ കെട്ടിടത്തില്‍ നിന്നാണ് പാമ്പിനെ പിടികൂടിയത്.

ഏലൂര്‍ (ആന്ധ്രാപ്രദേശ്):ആന്ധ്രാപ്രദേശിലെ ഏലൂര്‍ ജില്ലയിലെ നാരായണപുരം ഗവൺമെന്റ് ഹൈസ്‌കൂൾ കെട്ടിടത്തില്‍ പൂച്ചക്കുഞ്ഞുങ്ങളെ ഭക്ഷണമാക്കിയ പാമ്പിനെ പിടികൂടി. സ്‌കൂളിലെ പുസ്‌തക സാമഗ്രികള്‍ സൂക്ഷിച്ചിരുന്ന മുറിയില്‍ സ്‌കൂള്‍ ജീവനക്കാരാണ് ആറടിയോളം നീളമുള്ള പാമ്പിനെ കണ്ടെത്തിയത്.

തുടര്‍ന്ന് സ്‌കൂള്‍ പ്രിന്‍സിപ്പള്‍ പ്രദേശത്തെ പാമ്പ് പിടിത്തക്കാരെ വിവരമറിയിച്ചു. ഇവർ പിടികൂടിയ പാമ്പിന്‍റെ വായില്‍ നിന്നും ചത്ത മൂന്ന് പൂച്ചകുട്ടികളെയും കണ്ടെത്തി. പാമ്പിനെ പിന്നീട് വനമേഖലയില്‍ തുറന്നുവിട്ടു.