video: മഹാരാഷ്‌ട്രയിൽ ചെറുവിമാനം തകർന്ന് വീണ് വനിത പൈലറ്റിന് പരിക്ക്

പൂനെയിലെ ബാരാമതി വിമാനത്താവളത്തിൽ നിന്ന് പറന്നുയർന്ന എയർക്രാഫ്റ്റ് നിയന്ത്രിച്ചിരുന്നത് സ്വകാര്യ ഏവിയേഷൻ സ്‌കൂളിലെ പൈലറ്റായ ഭാവ്‌ന റാത്തോഡാണ്. പൈലറ്റിന് പരിക്കേറ്റു.

മുംബൈ : മഹാരാഷ്‌ട്രയിൽ സിംഗിൾ-സീറ്റർ ട്രെയിനർ എയർക്രാഫ്റ്റ് തകർന്നു വീണ് വനിത പൈലറ്റിന് പരിക്ക്. ഇന്ദാപൂർ തഹസിലിലെ കദ്ബൻവാഡിയിൽ രാവിലെ11.30യോടെയാണ് സംഭവം. പൂനെയിലെ ബാരാമതി വിമാനത്താവളത്തിൽ നിന്ന് പറന്നുയർന്ന എയർക്രാഫ്റ്റാണ് തകർന്നത്.

സ്വകാര്യ ഏവിയേഷൻ സ്‌കൂളിലെ പൈലറ്റായ ഭാവ്‌ന റാത്തോഡാണ് എയർക്രാഫ്റ്റിലുണ്ടായിരുന്നത്. പരിക്കേറ്റതിനെ തുടർന്ന് ഭാവ്നയെ ചികിത്സക്കായി ആശുപത്രിയിൽ പ്രവേശിപ്പിച്ചു.