ചാമരാജനഗര്‍ :പട്ടയവിതരണ വേദിയില്‍വച്ച് സ്‌ത്രീയുടെ മുഖത്തടിച്ച സംഭവത്തില്‍ വിചിത്ര ക്ഷമാപണവുമായി കര്‍ണാടക അടിസ്ഥാന സൗകര്യ വികസന മന്ത്രി വി സോമണ്ണ. നടന്ന സംഭവം ഒരു വിഷയമേയല്ല, താന്‍ മോശമായി ഒന്നും ചെയ്‌തില്ല. തന്‍റെ പെരുമാറ്റത്തില്‍ ആര്‍ക്കെങ്കിലും ബുദ്ധിമുട്ട് അനുഭവപ്പെട്ടിട്ടുണ്ടെങ്കില്‍ ക്ഷമ ചോദിക്കുന്നതായും അദ്ദേഹം മാധ്യമങ്ങളോട് പറഞ്ഞു.
ചാമരാജനഗര്‍ ജില്ലയിലെ ഹങ്കല ഗ്രാമത്തില്‍ ശനിയാഴ്‌ച (ഒക്‌ടോബര്‍ 22) നടന്ന ചടങ്ങിലാണ് സംഭവം. പട്ടയം ലഭിക്കാത്തത് സംബന്ധിച്ച് ചോദിക്കാനെത്തിയ കെമ്പമ്മയെ മന്ത്രി ദേഷ്യപ്പെട്ട് മുഖത്ത് കൈകൊണ്ട് ശക്തിയില്‍ അടിക്കുകയായിരുന്നു. ഇതിന്‍റെ വീഡിയോ സാമൂഹ്യ മാധ്യമങ്ങളില്‍ പ്രചരിച്ചതോടെ വന്‍ വിമര്‍ശനമാണ് മന്ത്രിക്കെതിരെ ഉയര്‍ന്നത്.