അയോധ്യയിലെ പുതിയ വിഗ്രഹത്തിന്‍റെ ആവശ്യകതയെ ചോദ്യം ചെയ്‌ത് ശങ്കരാചാര്യ അവിമുക്തേശ്വരാനന്ദ

Ayodhya Consecration Ceremony: അയോധ്യയിലെ പുതിയ വിഗ്രഹത്തിന്‍റെ ആവശ്യകതയെ ചോദ്യം ചെയ്‌ത് ശങ്കരാചാര്യ അവിമുക്തേശ്വരാനന്ദ ക്ഷേത്ര ട്രസ്റ്റിന് കത്തെഴുതി. പ്രതിഷ്‌ഠാ ചടങ്ങിൽ പങ്കെടുക്കില്ലെന്നും അദ്ദേഹം അറിയിച്ചു.

ഡെറാഡൂൺ (ഉത്തരാഖണ്ഡ്): അയോധ്യ രാമക്ഷേത്രത്തിന്‍റെ പ്രതിഷ്‌ഠാ ചടങ്ങിൽ പങ്കെടുക്കില്ലെന്ന് ഉന്നത ശങ്കരാചാര്യർ (Shankaracharya Avimukteshwarananda will not participate in Ayodhya consecration ceremony). രാമജന്മഭൂമിയിൽ നിലവിൽ വിഗ്രഹം ഉണ്ടെന്നിരിക്കെ മറ്റൊരു വിഗ്രഹം കൂടെ സ്ഥാപിക്കുന്നതിൽ എതിർപ്പറിയിച്ചാണ് (Shankaracharya Avimukteshwarananda questioned the need for a new idol in Ayodhya) ചടങ്ങിൽ പങ്കെടുക്കാതിരിക്കാൻ തീരുമാനിച്ചത്. ഇക്കാര്യം ചൂണ്ടിക്കാട്ടി ശങ്കരാചാര്യ അവിമുക്തേശ്വരാനന്ദ രാമജന്മഭൂമി തീർഥക്ഷേത്ര ട്രസ്റ്റിന് കത്തെഴുതിയിട്ടുണ്ട്.

അയച്ച രണ്ട് പേജുള്ള കത്തിൽ അദ്ദേഹത്തിന്‍റെ ആറ് ചോദ്യങ്ങൾക്കും ഉത്തരം നൽകണമെന്ന് ക്ഷേത്ര ട്രസ്റ്റിനോട് ആവശ്യപ്പെട്ടിട്ടുണ്ട്. ജനുവരി 22ന് ആണ് അയോധ്യയിൽ പ്രതിഷ്‌ഠാ ചടങ്ങ് നടക്കാനിരിക്കുന്നത്. ചടങ്ങിൽ പങ്കെടുക്കുന്നതിൽ എതിർപ്പുണ്ടെങ്കിലും ചടങ്ങിന് ശേഷം താൻ അയോധ്യ സന്ദർശിക്കുമെന്ന് അദ്ദേഹം പറഞ്ഞു.

ശ്രീരാമ വിഗ്രഹം അയോധ്യയിൽ ഉണ്ടെന്നിരിക്കെ പുതിയ വിഗ്രഹം പ്രതിഷ്‌ഠിക്കേണ്ട ആവശ്യമില്ലെന്ന് ചൂണ്ടിക്കാട്ടിയാണ് കത്ത് അയച്ചത്. സനാതന ധർമ്മത്തിന് എതിരായാണ് ചടങ്ങ് നടക്കാനിരിക്കുന്നതെന്നും അദ്ദേഹം പറഞ്ഞു. പ്രതിഷ്‌ഠാ ചടങ്ങിലെ ചെറിയ പിഴവുകൾ ചൂണ്ടിക്കാട്ടി വിമർശിക്കുന്നതിന് പകരം രാമക്ഷേത്രം സന്ദർശിക്കണമെന്ന് കേന്ദ്രമന്ത്രി നാരായൺ റാണെ അദ്ദേഹത്തോടായി പറഞ്ഞു.

കർണാടകയിലെ ശ്രീ ശൃംഗേരി ശാരദാപീഠം, ഗുജറാത്തിലെ ദ്വാരക ശാരദാപീഠം, ഉത്തരാഖണ്ഡിലെ ജ്യോതിർപീഠം, ഒഡീഷയിലെ ഗോവർദ്ധൻ പീഠം എന്നിവിടങ്ങളിലെ ശങ്കരാചാര്യന്മാരാണ് ചടങ്ങിൽ പങ്കെടുക്കുന്നില്ലെന്ന് തീരുമാനിച്ചത്. എന്നാൽ, അയോധ്യയിലെ പ്രതിഷ്‌ഠാ ചടങ്ങിൽ തനിക്ക് എതിർപ്പുകളൊന്നുമില്ലെന്ന് ജ്യോതിഷ് പീഠത്തിലെ ശങ്കരാചാര്യ മാധ്യമങ്ങളോട് പറഞ്ഞു.