ജമ്മു കശ്‌മീരിൽ തീപിടിത്തം; നിരവധി വീടുകൾ കത്തി നശിച്ചു

തീപിടിത്തത്തിന്‍റെ കാരണം വ്യക്തമായിട്ടില്ല.

ശ്രീനഗർ:ജമ്മു കശ്‌മീരിലെ ബാരാമുള്ള ജില്ലയിൽ തീപിടിത്തം. വ്യാഴാഴ്‌ച അർധരാത്രിയോടെയാണ് നിരവധി വീടുകളിലേക്ക് തീ പടർന്ന് പിടിച്ചത്. ബാരാമുള്ളയിലെ നൂർബാഗ് പ്രദേശത്താണ് തീപിടിത്തമുണ്ടായത്. സംഭവത്തെ കുറിച്ചുള്ള കൂടുതൽ വിവപങ്ങൾ ലഭ്യമായിട്ടില്ല.

തീപിടിത്തത്തിന്‍റെ കാരണം വ്യക്തമല്ല. സംഭവത്തിന്‍റെ വിവരം ലഭിച്ചയുടൻ സ്ഥലത്തേക്ക് അഗ്നിശമന സേനയും പൊലീസും എത്തിയിട്ടുണ്ട്. ആളപായമൊന്നും ഇതുവരെ റിപ്പോർട്ട് ചെയ്‌തിട്ടില്ല. തീപിടിത്തത്തിന്‍റെ കാരണം വ്യക്തമാക്കാനായി സംഭവത്തിൽ അന്വേഷണം പുരോഗമിക്കുകയാണെന്ന് പൊലീസ് ഉദ്യോഗസ്ഥർ അറിയിച്ചു.