കേരളം

kerala

By

Published : Mar 3, 2022, 1:06 PM IST

ETV Bharat / bharat

മൂന്ന് തലസ്ഥാനം നടപ്പില്ല ; അമരാവതിയെ 6 മാസം കൊണ്ട് വികസിപ്പിക്കണമെന്ന് ആന്ധ്ര ഹൈക്കോടതി

അമരാവതിയില്‍ നിന്ന് ഭരണനിര്‍വഹണ സ്ഥാപനങ്ങള്‍ മാറ്റരുതെന്ന് ആന്ധ്ര ഹൈക്കോടതി

3 capital row in Andrapradesh  andra high court verdict in three capital row  CRDA Act  ആന്ധ്രാപ്രദേശിലെ മൂന്ന് തലസ്ഥാന നഗരങ്ങളുമായി ബന്ധപ്പെട്ട ഹൈക്കോടതി ഉത്തരവ്  ആന്ധ്രപ്രദേശിലെ സിആര്‍ഡിഎ നിയമം
അമരാവതിയെ ആറ് മാസം കൊണ്ട് തലസ്ഥാനമായി വികസിപ്പിക്കണമെന്ന് ഉത്തരവിട്ട് ആന്ധ്ര ഹൈക്കോടതി

അമരാവതി :മൂന്ന് തലസ്ഥാനങ്ങള്‍ രൂപീകരിക്കാനുള്ള ആന്ധ്രപ്രദേശിലെ വൈ എസ് ജഗ്‌മോഹന്‍ റെഡ്ഡി സര്‍ക്കാറിന്‍റെ ശ്രമങ്ങള്‍ക്ക് തിരിച്ചടി. തലസ്ഥാന പ്രദേശ വികസന അതോറിറ്റി നിയമം(CRDA Act ) പാലിച്ച് അമരാവതിയെ ആന്ധ്രപ്രദേശിന്‍റെ തലസ്ഥാനമെന്ന നിലയില്‍ ആറ് മാസം കൊണ്ട് വികസിപ്പിക്കണമെന്ന് ഹൈക്കോടതി ഉത്തരവിട്ടു. അമരാവതിയില്‍ തലസ്ഥാന വികസനത്തിനായി കൃഷി ഭൂമി വിട്ടുകൊടുത്ത കര്‍ഷകര്‍ അടക്കം സമര്‍പ്പിച്ച ഹര്‍ജികളിലാണ് ഉത്തരവ്.

വികസനം കൂടുതല്‍ സ്ഥലങ്ങളില്‍ എത്തിക്കുന്നതിന്‍റെ ഭാഗമായി വിവിധ ഭാഗങ്ങളിലുള്ള മൂന്ന് നഗരങ്ങളില്‍ തലസ്ഥാനങ്ങള്‍ രൂപീകരിക്കാനായിരുന്ന ജഗമോഹന്‍ സര്‍ക്കാറിന്‍റെ തീരുമാനം. ഭരണപരമായ തലസ്ഥാനം വിശാഖപട്ടണത്തും, ജുഡീഷ്യല്‍ തലസ്ഥാനം കര്‍ണൂലിലും, ലെജിസ്ലേറ്റീവ് തലസ്ഥാനം അമരാവതിയിലും സ്ഥാപിക്കാനായിരുന്നു തീരുമാനം. ഇതിനുവേണ്ടി സിആര്‍ഡിഎ നിയമം റദ്ദ് ചെയ്‌തുകൊണ്ടും, മൂന്ന് തലസ്ഥാനങ്ങള്‍ രൂപീകരിക്കാനുമായി നിയമസഭയില്‍ ബില്ലുകള്‍ കൊണ്ടുവരികയായിരുന്നു.

ALSO READ:'വിദ്യാര്‍ഥികളെ ആരും ബന്ദികളാക്കിയിട്ടില്ല' ; റഷ്യയുടെ ആരോപണം തള്ളി ഇന്ത്യ

ഈ രണ്ട് ബില്ലുകള്‍ക്കുമെതിരെ ഭൂമി വിട്ടുകൊടുത്ത അമരാവതിയിലെ കര്‍ഷകര്‍ ഉള്‍പ്പടെ സമര്‍പ്പിച്ച നൂറോളം ഹര്‍ജികളാണ് ഹൈക്കോടതി പരിഗണിച്ചത്. തലസ്ഥാനങ്ങള്‍ മാറ്റുന്നത് സംബന്ധിച്ചുള്ള നിയമം പാസാക്കാന്‍ സംസ്ഥാന നിയമസഭകള്‍ക്ക് അധികാരമില്ലെന്ന് ചീഫ് ജസ്റ്റിസ് പ്രശാന്ത് മിശ്ര അധ്യക്ഷനായ ഡിവിഷന്‍ ബഞ്ചിന്‍റെ ഉത്തരവില്‍ വ്യക്തമാക്കി.

നിലവിലെ തലസ്ഥാനമായ അമരാവതിയില്‍ നിന്ന് ഒരു ഭരണനിര്‍വഹണ സ്ഥാപനങ്ങളും മാറ്റരുതെന്നും സര്‍ക്കാറിനോട് കോടതി ഉത്തരവിട്ടു. കര്‍ഷകരില്‍ നിന്ന് സ്ഥലമേറ്റെടുത്ത് വികസിപ്പിച്ച പ്ലോട്ടുകള്‍ മൂന്ന് മാസത്തിനകം അവര്‍ക്ക് തിരിച്ചുകൊടുക്കണമെന്നും ഉത്തരവില്‍ വ്യക്തമാക്കി. ഹര്‍ജിക്കാര്‍ക്ക് 50,000രൂപ നഷ്ടപരിഹാരം നല്‍കാനും ഹൈക്കോടതി ഉത്തരവിട്ടു.

ABOUT THE AUTHOR

...view details