മുംബൈ: രാജ്യത്തെ ഓഹരി സൂചികയില്‍ വന്‍ കുതിപ്പ്. സെന്‍സെക്‌സ് 359.29 പോയിന്‍റ് ഉയര്‍ന്ന് 60,244.65ത്തിലാണ് വ്യാപാരം ആരംഭിച്ചത്. ദേശീയ ഓഹരി സൂചികയായ നിഫ്റ്റി 100.40 പോയിന്‍റ് ഉയര്‍ന്ന് 17,923.35ലും വ്യാപാരം ആരംഭിച്ചു. 31 വര്‍ഷത്തിനിടെ ഇതാദ്യമായാണ് സെന്‍സെക്‌സ് 60,000 പോയിന്‍റ് കടക്കുന്നത്.
1990 ജൂലൈ 25നാണ് ആയിരം പോയിന്‍റിലെത്തുന്നത്. 25 വര്‍ഷങ്ങള്‍ക്ക് ശേഷം 2015 മാര്‍ച്ച് നാലിനാണ് സൂചിക 30,000 മാര്‍ക്ക് തൊടുന്നത്. വെറും ആറ് വര്‍ഷം കൊണ്ട് 30,000ത്തില്‍ നിന്ന് 60,000 പോയിന്‍റിലെത്തി. കൊവിഡ് കാലത്ത് ഈ നാഴികക്കല്ലിൽ എത്തുന്നത് നേട്ടമാണെന്ന് ജിയോജിത് ഫിനാൻഷ്യൽ സർവീസസിലെ മുഖ്യ നിക്ഷേപ തന്ത്രജ്ഞൻ വി.കെ വിജയകുമാര്‍ പറഞ്ഞു.